ფრთხილად, მანიპულაცია!
ფსიქოლოგიური მანიპულაცია ყველასთვის ნაცნობი ფენომენია. ადამიანები მას ყოველდღიურ რეჟიმში ვაწყდებით, თუმცა ყოველთვის როდი ვიაზრებთ, რომ მანიპულაციის მსხვერპლი ვართ. მანიპულაცია წარმოადგენს სხვა ადამიანზე მიზანმიმართულ და დაგეგმილ ფსიქოლოგიურ ზემოქმედებას საკუთარი ინტერესების სასარგებლოდ. ძალადობასა და ტოქსიურ ურთიერთობებზე სპეციალიზებული ამერიკელი ფსიქოთერაპევტის, შერი სთაინის აზრით, მანიპულაციას ის ადამიანები მიმართავენ, რომელთაც რაიმე მიზეზის გამო არ სურთ, არ შეუძლიათ ან არ აქვთ უფლება პირდაპირ ითხოვონ ის, რაც უნდათ ან სჭირდებათ. სთაინი დარწმუნებულია, რომ მანიპულატორთა მიზანს სხვა ადამიანების ქცევის გაკონტროლება წარმოადგენს. მანიპულაციის თემა ღრმა და მრავალმხრივია, შესაბამისად, ბლოგ-პოსტში მისი ამომწურავად მიმოხილვის იდეაც არარეალისტურია, თუმცა, მაინც ვეცდები, მოკლედ აღვწერო მანიპულაციის ანატომია და პიროვნებათაშორის ურთიერთობებში მისი ყველაზე ხშირი გამოვლინებები. ოღონდ იქამდე, მანიპულაციის თემასთან დაკავშირებული რამდენიმე მითი გავაქარწყლოთ. საკმაოდ გავრცელებულია მოსაზრება, რომ
